1. Жоспарланған жұмыстар

2024–2025 оқу жылына арналған тәрбие жоспары негізінде мектеп оқушыларының бос уақытын тиімді ұйымдастыру, ұлттық құндылықтарға баулу, патриоттық тәрбие беру, өнер мен спортқа баулу бағытында жүйелі жұмыстар белгіленді. Жоспарда мемлекеттік мерекелер, мектепішілік дәстүрлі іс-шаралар, 'Жас ұлан', 'Жас қыран' ұйымдарының жұмыстары, сондай-ақ волонтерлік қозғалыстар қамтылды. Сонымен қатар оқушылардың шығармашылық қабілеттерін дамытуға, мәдени-рухани байытуға, сыныптан тыс үйірмелердің жұмысын ұйымдастыруға ерекше көңіл бөлінді.

2. Атқарылған жұмыстар

Оқу жылы барысында жоспарға сәйкес әртүрлі бағыттағы тәрбиелік іс-шаралар ұйымдастырылды. Әр айда тақырыптық апталықтар өткізіліп, оқушылардың қызығушылықтарына қарай мәдени, спорттық, рухани іс-шаралар жүзеге асырылды.

• Патриоттық бағыт: Тәуелсіздік күні, Жеңіс күні, Республика күніне арналған салтанатты іс-шаралар өткізілді; Ардагерлермен, еңбек ерлерімен кездесулер ұйымдастырылды.

• Ұлттық-рухани тәрбие: 'Наурыз мерекесі', 'Тілдер фестивалі' сияқты мәдени іс-шаралар өткізілді; Ұлттық салт-дәстүрлерді дәріптеу мақсатында байқаулар ұйымдастырылды.

• Мәдени-спорттық бағыт: 'Денсаулық фестивалі', спорттық жарыстар, эстафеталар өткізілді; Мектеп оқушылары қалалық мәдени-спорттық іс-шараларға қатысты.

• Қоғамдық белсенділік: Мектептегі өзін-өзі басқару ұйымы жүйелі жұмыс жасады; Волонтерлік жобаларға оқушылардың қатысуы қамтамасыз етілді.

Одан бөлек, мектепішілік концерттік бағдарламалар, өнер кештері, тақырыптық көрмелер, эссе байқаулары өткізіліп, оқушылардың шығармашылық қабілеттерін шыңдауға бағытталған жұмыстар жүзеге асырылды.

3. Жетістіктер мен нәтижелер

Жыл бойы атқарылған жұмыстардың нәтижесінде оқушылардың мәдени, спорттық және қоғамдық белсенділігі айтарлықтай артты. Қалалық, облыстық деңгейдегі байқауларға қатысып, жүлделі орындарға ие болған оқушылар саны көбейді. 'Жас ұлан', 'Жас қыран' ұйымдарының жұмыстары жүйеленіп, оқушылардың ұйымшылдығы мен жауапкершілігі нығайды.

Сонымен қатар, оқушылар арасында патриоттық сезім, отансүйгіштік рух қалыптасып, мектептің тәрбиелік жүйесінің нәтижелілігі арта түсті.

4. Қиындықтар

Жыл бойы атқарылған жұмыстармен қатар белгілі бір қиындықтар да кездесті. Кейбір оқушылардың белсенділігі төмен болып, іс-шараларға толыққанды қатыспай қалу жағдайлары байқалды. Сонымен бірге, кейбір іс-шараларды өткізу барысында материалдық-техникалық базаның жеткіліксіздігі қиындық туғызды. Ата-аналардың қолдауы барлық уақытта бірдей болмауы да оқушылардың белсенділігіне әсер етті.

5. Қорытынды және ұсыныстар

Жалпы, 2024–2025 оқу жылына жоспарланған жұмыстар толық көлемде орындалып, мектеп ұжымының тәрбиелік жүйесі одан әрі дамыды. Оқушылардың шығармашылық қабілеттері дамып, ұжымдық рухы көтерілді. Әр бағыттағы тәрбиелік шаралардың нәтижесінде оқушылардың мәдениеті, патриоттық сана-сезімі, белсенділігі мен жауапкершілігі артты.

Келесі оқу жылына ұсыныстар:
 • Мектепішілік өзін-өзі басқару ұйымының жұмысын жетілдіру;
 • Дарынды оқушыларды анықтап, байқауларға тарту;
 • Волонтерлік және экологиялық бағыттағы жобаларды дамыту;
 • Ата-аналармен тығыз байланыс орнатып, тәрбиелік іс-шараларға белсенді тарту;
 • Спорттық және мәдени үйірмелердің жұмысын кеңейту.

Өткізу мерзімі: 2025 жылғы 26 мамыр – 20 маусым
Лагерь басшысы: тәлімгер Тоқтасынова Б.Б.

Мақсаты:

• Оқушылардың жазғы демалысын мазмұнды және қауіпсіз өткізу;
• Балалардың шығармашылық қабілеттерін дамыту, қызығушылықтарын арттыру;
• Салауатты өмір салтын қалыптастыру және спорттық белсенділікті арттыру;
• Ұжымдық қарым-қатынасты нығайтып, достық қарым-қатынас орнатуға жағдай жасау.

Міндеттері:

1. Балалардың бос уақытын тиімді ұйымдастыру.
2. Танымдық, тәрбиелік және мәдени іс-шаралар өткізу.
3. Қауіпсіздік ережелерін сақтау және балалардың денсаулығын қорғау.
4. Әрбір оқушының жеке қабілеттерін ашуға ықпал ету.

Атқарылған жұмыстар:

• Спорттық бағыт: футбол, волейбол, түрлі эстафеталық ойындар, денсаулық күні ұйымдастырылды.
• Танымдық іс-шаралар: табиғатты қорғау тақырыбында әңгімелер, зияткерлік ойындар, кітап оқу сағаттары өтті.
• Мәдени-шығармашылық жұмыс: сурет салу байқауы, ән-би кештері, өнерпаздар күні, қолөнер үйірмесі жүргізілді.
• Тәрбиелік шаралар: патриоттық тәрбиеге бағытталған сынып сағаттары, Отан туралы әңгімелер, «Менің Қазақстаным» атты мерекелік концерт өткізілді.

Қорытынды:

Жалпы алғанда, лагерь жұмысының мақсаты толық орындалды. Балалар өз демалыстарын көңілді әрі мазмұнды өткізіп, жаңа оқу жылына көтеріңкі көңіл-күймен дайындалуына жағдай жасалды.

Табиғат аясындағы демалыстың басты мақсаты – балалардың денсаулығын нығайту, табиғатқа деген сүйіспеншілігін арттыру, ұжымдық қарым-қатынас мәдениетін дамыту және экологиялық тәрбие беру.

Іс-шара барысында оқушылар таза ауада әртүрлі спорттық ойындар ойнап, викториналар мен жарыстарға қатысты. Сонымен қатар, табиғат құбылыстары туралы қызықты мәліметтермен танысып, шағын шығармашылық тапсырмалар орындады.

Балалар таза ауада серуендеп, қоршаған ортамен үйлесімде демалудың қаншалықты пайдалы екенін сезінді. Шара соңында барлығы бірігіп пикник ұйымдастырып, шат-шадыман күйде лагерьге оралды.

Осындай шаралар "Балдырған" лагерінің жазғы бағдарламасында тұрақты түрде өткізіліп отырады және балалардың жан-жақты дамуына, сергек те белсенді демалысына оң ықпал етеді.

Экскурсия барысында балалар туған өлкенің тарихымен, табиғатымен, мәдениетімен танысып, бағалы жәдігерлерді тамашалады. Мұражай қызметкерлері балаларға өңіріміздің өткен өмірі мен салт-дәстүрлері жайында қызықты мәліметтер айтып, интерактивті бөлімдер арқылы балалардың белсенді қатысуына мүмкіндік берді.

Бұл шара оқушылардың туған жерге деген сүйіспеншілігін арттырып, тарихи-мәдени санасының дамуына оң әсер етті.

Кішкентай көрермендер Шығыс ертегісінің сиқырлы әлеміне еніп, батыл Алладиннің шытырман оқиғалары мен сиқырлы шамның ғажайып күші туралы әсерлі хикаяны зор қызығушылықпен көрді. Театр актерлерінің өнері мен сахналық көріністер балаларды ерекше қуантты.

Мұндай мәдени шаралар балалардың эстетикалық тәрбиесіне ықпал етіп, өнерге деген сүйіспеншілігін арттырады.

Қойылым барысында балалар сиқырлы шам мен адал достықтың құдіретін, батылдық пен арманның шексіздігін сезінді. Театр актерлерінің жарқын образы мен сахналық шеберлігі жас көрермендердің ерекше әсер алуына себеп болды.

Мәдени іс-шарадан кейін лагерь оқушылары таза ауада серуендеп, қозғалмалы ойындар ойнады. Балалар спорттық эстафеталарға қатысып, командалық ойындар арқылы достық пен ұйымшылдықты нығайтты.

Осындай мазмұнды күн балалардың рухани дамуына, белсенді демалысына және шығармашылық ой-өрісінің кеңеюіне ықпал етті. «Балдырған» лагерінде әр күн – қуаныш пен жаңа әсерлерге толы!

2025 жылдың 4 маусымында №17 мектеп жанындағы «Балдырған» жазғы демалыс лагері аясында демалушылар үшін көңілді әрі танымдық мәдени іс-шара ұйымдастырылды. Балалар қаладағы «Дастан» кинотеатрына барып, әлемге әйгілі «Лило және Стич» анимациялық фильмін тамашалап қайтты.

Фильм балалардың үлкен қызығушылығын тудырды. Көңілді сюжет пен достық, отбасылық құндылықтар туралы ой қозғайтын оқиға лагерь тәрбиеленушілеріне ерекше әсер сыйлады. Балалар экрандағы оқиғаларды ынта-ықыласпен бақылап, фильм кейіпкерлерімен бірге күліп, кейде толқып отырды.

Киносапардың басты мақсаты – балалардың бос уақытын тиімді ұйымдастырып, эстетикалық талғамын қалыптастыру, жағымды эмоциялар сыйлау болды. Сапар соңында балалар өз әсерлерімен бөлісіп, ұнаған сәттері туралы әңгімеледі.

Мұндай шаралар оқушылардың жазғы демалысын мазмұнды өткізуге және ұжымдық қарым-қатынасты нығайтуға ықпал етеді.

2025 жылдың 3 маусымында №17 мектебі жанындағы «Балдырған» жазғы демалыс лагері аясында бастауыш сынып оқушыларына арналған Абай мұражайына танымдық саяхат ұйымдастырылды.

Сапардың мақсаты – оқушыларға қазақ халқының ұлы ақыны, ойшылы Абай Құнанбайұлының өмірі мен шығармашылығын таныстыру, тарихи-мәдени мұраны дәріптеу арқылы патриоттық тәрбие беру.

Мұражайда балалар Абайдың өмір жолы, отбасы, шығармалары, қолданған заттары мен сол кезеңнің тұрмыс-тіршілігі жайлы мол мағлұмат алды. Экскурсия жетекшілері балалардың қызығушылығын оятып, ақын шығармалары бойынша қызықты мәліметтермен бөлісті.

Іс-шара соңында оқушылар алған әсерлерімен бөлісіп, өздеріне ұнаған жәдігерлер жайлы әңгімеледі. Бұл саяхат балалардың тарихи санасын қалыптастырып, мәдени дүниетанымын кеңейтуге үлкен септігін тигізді.