24.11.2018 жылы «№ 17 жалпы орта білім беретін мектеп» КММ-де аға тәлімгерлерге арналған қалалық «Рухани жаңғыру – Ұлттың Ұлы Мұраты» тақырыбында семинар өтті.

24.11.2018 жылы «№ 17 жалпы орта білім беретін мектеп» КММ-де аға тәлімгерлерге арналған қалалық «Рухани жаңғыру – Ұлттың Ұлы Мұраты» тақырыбында семинар өтті. Аталған іс-шараның мақсаты Елбасымыз ұсынған Рухани жаңғыру бағдарламасын бала тәрбиесіндегі жауапты мамандардың басты бағдары екенін насихаттау, баланың бос уақытын дұрыс қамтудың жолын үйірмелердің жұмысы арқылы көрсету болды.

Мектеп психологы Талғат Бекқасымұлы келген қонақтарға музыкалық терапия арқылы «тренинг» өткізсе, жоғарғы санатты ұстаздарымыз Сажида Тоқтарқызы мен Лаура Ерсайынқызы топ бойынша аға тәлімгерлерге «коучинг» ұйымдастырды. Қатысушылар мектептің ең белсенді түрде қызмет атқаратын клубтары мен үйірмелерінің жұмысымен экспедиция түрінде жақынырақ танысты. Семинар соңында мектеп директоры Айгүл Әлімбекқызы қорытын сөз айтып, білім бөлімінің бас маманы Сәуле Құсайынқызы мектеп ұжымына алғысын жеткізді. Іс-шараға қатысқан әрбір аға тәлімгерге сертификат табысталды.