15 наурыз – Халықаралық қайырымдылық күні

15 наурыз – Халықаралық қайырымдылық күні, ол адамдарды ізгі істер жасауға, өзгелерге көмектесуге, жанашырлық пен мейірімділік танытуға шақыратын ерекше күн. Бұл күннің негізгі мақсаты – қоғамда қайырымдылық мәдениетін дамыту, мұқтаж жандарға көмектесуге ынталандыру және адамдардың жүрегіне жылулық беру .

Қайырымдылық – тек материалдық көмек қана емес, ол мейірімділік таныту, қолдау көрсету, жылы сөз айту, қамқор болу сияқты кез келген ізгі іс-әрекет. Бұл адамгершіліктің, рухани байлықтың, жанашырлықтың белгісі. Қайырымды болу үшін үлкен істер жасаудың қажеті жоқ – біреуге жымиып қарау, көмектесу, жақсы сөз айту да жеткілікті.