«Мектебім – мейірім мекені»

Білім күніне орай мектепте 1-сынып оқушыларына арналған «Мектебім – мейірім мекені» атты іс-шара өтті.

Іс-шараның мақсаты – мектеп табалдырығын алғаш аттаған бүлдіршіндерді жаңа ортаға бейімдеу, оларға білімнің қадір-қасиетін түсіндіру және мектепке деген сүйіспеншілікті қалыптастыру болды.

Мерекелік шара барысында оқушыларға көтеріңкі көңіл-күй сыйланып, мұғалімдер мен ата-аналардың құттықтау сөздері айтылды. Балалар ән айтып, өлеңдер оқып, түрлі ойындарға қатысты.

Шара соңында 1-сынып оқушыларына мектептің ішкі тәртібі мен дәстүрлері таныстырылып, білім әлеміне алғашқы қадам жасағаны үшін естелік сыйлықтар табысталды.