«Бала әлемі: түсіну, қолдау, қорғау» сессиясы аясында ата-аналар жиналысы өтті

2025 жылдың 4 қыркүйек күні мектебімізде «Бала әлемі: түсіну, қолдау, қорғау» сессиясы аясында «Мектепке алғашқы қадам: Баланың мектепке бейімделуіне қалай көмектесеміз?» тақырыбында бірінші сынып ата-аналарына арналған жиналыс өткізілді. 

Кездесудің негізгі мақсаты – бірінші сынып оқушыларының мектепке бейімделу кезеңінің ерекшеліктерін түсіндіру, баланы алғашқы кезеңде қолдаудың тиімді жолдарын үйрету, ата-аналардың толқуын азайту және отбасы мен мектеп арасындағы сенімді қарым-қатынасты нығайту болды.

Жиналыс барысында ата-аналар баланың мектептегі алғашқы күндерінде кездесетін психологиялық қиындықтар жайлы мәлімет алып, оларды жеңілдетудің тиімді стратегияларымен танысты. Сонымен қатар, тәжірибе алмасып, өз ой-пікірлерін бөлісу арқылы ата-аналар бір-біріне қолдау көрсетті.

Осындай кездесулер ата-аналарға сенім беріп қана қоймай, балалардың мектеп өміріне қадам басуын қуанышты әрі жеңіл етуге септігін тигізеді. Ал мектеп пен отбасының бірлескен ынтымақтастығы – баланың табысты бейімделуінің басты кепілі.

Педагог-психолог    Базарова Э.Н.

Сынып жетекшілер: Секетаева Т.М., Кожанова Т.А.