14 қараша — 9 «Ә» сынып ата-аналарымен өткен «Жүрек лебізі» тренингі

14 қараша күні ата-аналармен «Жүрек лебізі» атты тренинг өткізілді. Тренингтің негізгі мақсаты — ата-аналардың өз балаларына деген сүйіспеншілігін, сенімін, құрметін білдіру, сондай-ақ ата-аналар арасында ынтымақтастық пен бірлік орнату болды.

Іс-шара барысында ата-аналарға жүрек пішініндегі түрлі пазлдар ұсынылып, әрқайсысы өз тілегін немесе жылы лебізін жазды. Жеке жазылған пазлдар біріге келе үлкен жүрек бейнесін құрады. Бұл жүрек ата-аналардың ортақ махаббатының, татулығының және бірлігі мен қолдауының символы ретінде таныстырылды.

Тренинг соңында құрастырылған үлкен жүрек көрнекі жерге ілініп, ата-аналар қауымдастығының бірлігі мен өзара сыйластығын айшықтайтын ерекше экспозицияға айналды.

Педагог-психолог Базарова Э.Н.

        Сынып жетекші Шаяхметова К.Ж.