11 «Ә» сынып ата-аналарымен өткен жиналыс

Мектебімізде 18 қыркүйек күні 11-сынып оқушыларының ата-аналарына арналған маңызды жиналыс өтті. Бұл кездесудің мақсаты – бітіруші сынып оқушыларының алдағы емтихандарға дайындық кезеңінде ата-аналардың қолдауын күшейту, олардың эмоционалды жағдайына назар аудару және мамандық таңдауда дұрыс бағыт-бағдар беруге көмектесу.

Жиналыс барысында:

• ҰБТ мен қорытынды емтихандарға дайындық кезінде кездесетін психологиялық қиындықтар талқыланды;
• Мазасыздықты жеңілдетуге арналған тиімді әдістер мен ата-ана тарапынан қолдау түрлері ұсынылды;
• Мамандық таңдау кезінде оқушының қызығушылығы, қабілеті және еңбек нарығы талаптарын ескерудің маңызы айтылды;
• Ата-ана мен бала арасындағы сенімді қарым-қатынас табысты нәтижеге жетудің басты кепілі екені атап өтілді.

Кездесу жылы атмосферада өтіп, ата-аналар өз ойларымен бөлісіп, тәжірибе алмасты. Мұндай шаралар оқушылардың болашаққа сенімді қадам жасауына және ата-аналардың бағыттаушы рөлін нығайтуға ықпал етеді.

Педагог-психолог Базарова Э.Н.

Сынып жетекші Калиева Ж.Б.